хизмәтлиримиз

кириш сөз

үн ـ син

көп тиллиқ қуран

дини китаблар

күндә бир һәдис

рамизанлиқ сәһпә

саһабилар һаяти

мәзһәп вә пикир еқимлири

мақалилар

һөҗҗәтлик филимләр

мәшһур шәхсләр

тәрмиләр

рәсим албуми

тордин чүшүрүң

алақә қилиң

4 ـ һәдис: тәқдир вә тәрбийә

عن أبي هريرة أنه كان يقول: قال رسول الله  صلى الله عليه وسلم: «ما من مولود إلا يولد على الفطرة فأبواه يهودانه وينصرانه ويمجسانه كما تنتج البهيمة بهيمة جمعاء هل تحسون فيها من جدعاء» ثم يقول أبو هريرة: واقرؤوا إن شئتم ] فطرة الله التي  فطر الناس عليها لا تبديل لخلق الله [ رواه مسلم.

пәйғәмбиримизниң сәпдаш һәмраһлиридин болған әбуһурәйрә рәзийәллаһу әнһудин ривайәт қилинидуки. аллаһ ниң әлчиси муһәммәд әләйһиссалам ейтиду: "анисидин туғулған барлиқ бала диний исламни өзликидин қобул қилидиған тәбиәт билән туғулиду. кейин у балини ата ـ аниси зәһәрлик тәрбийиләш билән яки зорлаш арқилиқ йәһудий (исраил) диниға яки христиан диниға яки отқа ибадәт қилидиған динға киргүзиду". мәсилән: һайван өзи туғқан балисини қотур яки чолақ туғмай, тән қурулушини толуқ туғиду. шуниңдәк адәм балисиму әсли яритилишида һәқни сөйидиған, өзликидин ислам динини халайдиған һәммигә қабилийәтлик туғулиду. кейин динсизларниң, хаинларниң яки диний етиқади, истили бузуқ ата ـ анилар дост ـ адашлириниң зәһәрлиши, тәтүр тәшвиқи, аздуруши арқилиқ диний исламдин чиқип кетиду. яки диний исламдин хәвәрдар болалмайду. (шуниң үчүн мусулманлар қиз ـ оғул пәрзәнтлирини етиқади, истили, хуй ـ адити бузулушидин бурун кичикдинла диний оқушқа ـ тоғра тәрбийә елип, тоғра тонуш елишиға мәсул болуши болупму ата ـ анилар қәти мәсул болуп, көңүл бөлүп, балиларниң ислам динидин, есил әхлақ, инсаний артуқчлиқидин йирақлишип кетишиниң алдини елиши, динидин айрийдиған яки истилини бузудиған оқутқучиларға, адашлириға, бузуқ адәмләргә ташлап бәрмәслики, һәм қолидин кәлгән чарини қоллинип тоғра йолға көндүрүши керәк).

андин пәйғәмбәр әләйһиссалам бу айәтни оқуди: "аллаһ ниң диниға (әгәшкинки) аллаһ инсанларни шу дин билән яратқан, аллаһ ниң яратқинида өзгириш болмайду, бу тоғра диндур, лекин инсанларниң толиси билмәйду"[1] йәни аллаһ таала һәр адәмни мусулманчилиқни асан қобул қилалайдиған тәбиәт билән яратти. буни сақлаш лазим, аллаһ тааланиң мундақ яритишини өзгәртиветиш тоғра әмәстур. аллаһ әслидә яратқандәк мусулманчилиқта туруш, орнини өзгәртивәтмәслик тоғридур.
шәрһиси:

демәк балиларниң яман йолға кирип кетишигә ата ـ аниси сәвәб болғанлиқи үчүн буниң азабини тартиду.
ـــــــــــــــــــــــــــــــــــــــــــــــــــــــــــــ
[1] сүрә рум 30 ـ айәтниң бир қисми.
һәдис сәһипсигә қайтиш