хизмәтлиримиз

кириш сөз

үн ـ син

көп тиллиқ қуран

дини китаблар

күндә бир һәдис

рамизанлиқ сәһпә

саһабилар һаяти

мәзһәп вә пикир еқимлири

мақалилар

һөҗҗәтлик филимләр

мәшһур шәхсләр

тәрмиләр

рәсим албуми

тордин чүшүрүң

алақә қилиң

даналар хәзиниси

лоқман һәкимниң оғлиға қилған вәсийәтлири

• тарихниң җакарчиси өтмүштин шундақ хәвәрләр беридуки, мәшһор һөкүма,
  өз заманисиниң данишмәни болған лоқман һәким өмриниң ахирида
  оғлиға мундақ вәсийәтләрни қилған:
  "и оғулчиқим! алләға шерик кәлтүрмигин, шерик кәлтүрүш һәқиқәтән зор гунаһтур"(сүрә лоқман 13 ـ айәттин елнди)
  - и оғлум! улуғлуқниң дәсмайиси әқил - парасәт һәм әдәп - әхлаққа игә болуштур, чүнки әқил- парасәт, әдәп - әхлақ инсанға әтраплиқ пикир қилиш,дәл мувапиқ сөзләш,иш- һәркәттә адил болуштин ибарәт үч хисләтни бәхиш етиду.
  һәр даим ата- анаңни иззәтлә, уларниң хизмитини чоқум яхши қилғин. устазлириңни давамлиқ әзиз көргин.
  һәр қачан данишмәнләрни өзәңгә дост тутқин. яхши ишларға җан - дилиң билән тиришқин,киришкин.
  һәр қандақ ишлириңни даналар билән кеңишип қилғин.чүнки адәм өзидин әқиллиқрақ кишиләрниң сөзигә унимиқи лазимдур.болмиса ахирида пушайманда қалиду.
  улуғларниң сөзигә қолақ сал. пәрзәнтиңгә илим - әхлақ өгәткин.
  һәр қандақ ишта яхшилиқ вә нусрәт тапай десәң һәмраһни яхши таллап тутқин.
  һәр қачан билимликниң сөзини аңла. сормастин аввал сән сөзлимә.устазиң бар җайда тилиңни һәм қолуңни йиғ.бешим аман болсун десәң тилиңни чиң тут, болмиса тилиң бешиңни юнар.
  яманға йолдаш, наданға сирдаш болма.һәмишә һалиңға беқип иш қил.чирайиңни очуқ тутқин. кишиләрниң һәққини ада қил.хәлқиңниң қәдригә йәт. өз илиңни сөй.
  хәлқниң бешиға бирәр мүшкилат чүшсә, сән қолуңдин келидиған барилиқ чарә - амалиң билән һәмкарлишип, униңға ярдәм қилғин.
  кишиләрниң кәйнидин ғәйвәт- шикайәт қилма,өзәңгә рава көрмигәнни башқиларғиму рава көрмә.аш - нан, озуқлуқ өзәңдә бар торуқлуқ, башқиларниң миннитини иштидиған қилиқларни қилмиғин, миннәтлик таам қорсақни ағритиду.
  һәр кишиниң өйигә кирсәң тлиң билән көзуңни йиғип олтурғин.аз сөзлимәк,аз йимәк,аз ухлимақ, аз олтурмақни өзәңгә адәт қил,бу,көңүллүк һаят кәчүрүшиңгә пайдилиқтур.
  һәр җайға барсаң өз орниңни билип олтурғин. һәргизму алдираңғулуқ қилма, аччиқлинип сөзлимә. кечидә сөзлисәң аста сөзлә, күндүзлири сөзлисәң әтрапиңға беқип сөзлә, бипәрвалиқтин хиҗаләтчиликләр келип чиқиду.
  бехилдин һәргизму яхшилиқ күтмә.мойсипитләргә (өзәңдин чоңларға) биһөрмәтлик, бәтқилиқилиқ қилма.
  меһманни ишқа буйрима,һаҗәтмәнни наүмид қайтурма.
  қилиқи сәт ( бәтбәширә) есилдин вапа издимә.мәст билән диваниға нәсиһәт қилма,уларға нәсииһәтниң һечқандақ әһмийити йоқ.
  һәр қандақ вақитта пайда - зиян қоғлишип, иззәт - абройиңни төкмигин.
  вәдәңгә чоқум вапа қилғин.рәқибиңгә һәргизму рәһим әйлимә.
  меһманларниң алдида кишиләргә зади аччиқланма, сөзлириңни аввал көңлүңдә обдан пишуруп,андин баян қилғин.
  һәр қандақ ишни қилиштин илгири обдан ойлан, андин пухта қил.билмигән ишқа һәргизму устатлиқ қилмиғин.
  яхшини қәдирлә, әскини харлиғин.хулқиңни түзәт.ғапил болма. питнә - пасаттин йирақ бол.дүшмәнниң һилисидин һәр вақит һушяр турғин.һарамға қошулма.наһәқ қан төкмә.һәммә ишта оттура һал йол тутқин.көрмигән нәрсигә гувалиқ бәрмә.ундақ қилмисаң, бу дуняда хиҗаләтчиликкә ахирәттә азапқа болуқисән.достуңға кирәклик нәрсини һәргиз аяп қалма.
  бу дуня бир қоналғу дәң, сән униңдики бир карван.әгәр бәхт- саадәтмән болай десәң, нәсиһәтлиримни есиңдә тутуп биҗа кәлтүргәйсән,саңа асайишлиқ, амәт әбәдий яр болғай.
  һекимәтләр
  өткүр ирадисини йоқатқан милләтниң ишлирида қандақму түзүлүшниң үмиди болсун‍ ?!
  җапа мушәққәттин кейин арзу- арманға йетиш бақийдур.сәвр тақәт- сақаймас кисәлгә давадур.
  абдуқадир дамуллам
  салмақ болуп башқилардин мәслиһәт сора.чүнки бәзи ишлар очуқ- ашкара, бәзи ишлар мәхпий- йошурун болиду .икки кишиниң пикири бир кишиниң пикридин әвзәлдур.үч кишиниң пикри бозулмайду.
  һарун рәшид
  падишаһларниң хизмитигә көңли бар киши кор,гас, чолақ ,ақсақ болуши лазим. тилни шаһларниң сирни ашкарилаштин кекәч қилиш керәк. бу, барчә ишлардин қийиндур.
  әлшир нәвайий
  җимилқта йәттә хасийәт бар. биринчи: у зибу - зиннәтсиз гүзәллик. иккинчи: сәлтәнәтсиз һәйвә қудрәт. үчүнчи:меһнәтсиз ибадәт. төтинчи: сепилисиз қурған. бәшинчи: үзридин қутулуш. алтинчи: пәриштидәк азатлиқ. йәттинчи: әйипләрдин халилиқ.
  илим вә илим әһли һәққидә һекимәтләр
  қериндишим,сән илимгә пәқәт зерәклик, қизғинлиқ, тиришчанлиқ, йетәрлик хираҗат, устаз сөһбити вә узун заман сәрп қилиштин ибарәт алтә хил амил биләнла еришәләйсән.
  илим тәһсил қилиш йолида юрт - вәтәндин айрилип сәпәргә чиқ!чүнки сәпәрләрдә ғәм - әндишниң көтүрүлүп кетиши, турмуш йолини тепиш,илим мәрипәт игиләш,әдәп - әхлақ өгүнүш вә есил затқа һәмсөһбәт болуштин ибарәт бәш хил пайда бар.
  муһәммәд ибни идрис шафиий
  мениң сөһбитимгә бидәтчи,тәнчи,һәсәтхор, әдәпсиз, еғизи мәйнәт, һәқтин чәтнигән азғунларниң һазир болишини яқтурмаймән.
  әһмәд ибни өмәр зәһһак
  тартинчақ билән һакавир илим өгүнәлмәйду.
  муҗаһид
  шәйтанға мулайим алимдин яман нәрсә болмайду.у сөзлисә илим билән сөзләйду. тохтиса мулайимлиқ билән тохтайду.шәйтан ейтидуки:<униңға қараңлар!маңа униң сөзлигини униң җим турғинидин қаттиқрақ туюлиду>.
  ибраһим әдһәм
  илим өгиниңглар,силәр қәвимниң кичиклири болсаңлар кәлгүсидә һәқиқәтән уларниң чоңлири болуп қалисиләр. кимки әстә қалдуралмиса йезип қойсун.
  һәсән ибни әли
  әлгә баш болуштин илгири алим болуңлар
  хәлипә өмәр (рәзийәллаһу әнһу)
  данишмән устаз доктур, нобел физика мукапатиға еришкән пакистанлиқ алим абдусаламниң <әрәб вә ислам әллириниң илим -пән иҗадийәт қудрити> дегән нутқидин һекмәтләр
  бизниң издинишимиз қанчики чоңқур болғансири, бизниң һәйранлиқимиз шунчә ашиду.көзимиз шунчә қамишиду.
  дәмәшиқ унверстетидики доктур муһәммәд әйҗазул хатибниң сөзи бойичә ейтқанда илим - пәнниң муһимлиқини тәкитләштә муну сөздәк пасаһәтлик сөз йоқ: "қанун түзүш аппаратлириниң түзүп чиққан 250 маддисиниң әкисчә, қуранниң 750 айитидә "қуран" ниң тәхминән сәккиздин бири мусулманларниң тәбиәтни тәтқиқ қилиш,вә они тонуш һәмдә әқил парасәттин толуқ пайдилинип, илим - пән саһәлирини җәмиийәт паалийитиниң бир тәркибий қисми қилиш тоғрисида нәсиһәт қилинған."
  һәдистә: "алимлар пәйғәмбәрләрниң варисидур" дейилгән.

тәрмиләр сәһиписигә қайтиш>